Puilh eo ar vuhez sevenadurel e Karaez gant al liesseurt m’eo ar c’hevredigezhioù eno. Gouel an Erer Kozh e miz Gouere, Gouel al Levrioù e miz Here, Bagadañs, anezhañ un daspugn bras a vagadoù hag a gelc’hioù keltiek e-kreiz miz Gouere, hag all… hep disoñjal programm bloaziek al leurenn Glenmor tuet gant muzikoù ar bed, ar c’hanaouennoù, c’hoariva ha sevenadur Breizh, puilhentez dalc’had ar vediaoueg-kêr hag ur sinema rummet Arz hag Esae.
Kevredigezhioù a-leizh a gemer perzh e buhez sevenadurel ar gumun a-hed ar bloaz.