Fonnus eo koulzad sevenadurel 2015. D'an 22 a viz Genver tremenet e oa bet embannet roll an abadennoù da zont. Sonerezh klasel, hengounel, eus ar bed, c'hoariva... greomp tro an arvestoù.
E deroù ar bloaz e oa bet degemeret Louis Chédid hag ar fentigellour Jean-Yves Lafesse gant al Leurenn Glenmor. Ac'hann d'un nebeud sizhunioù e vo Rozenn Taleg, Yannig Noguet, Soig Siberil, Sharon Shannon, Laz-seniñ simfonek Breizh, Yann-Fañch Kemener pe c'hoazh David Krakaeur oc'h ober ur programm a-feson. Hep ober anv eus an emgavioù kinniget gant obererien sokiosevenadurel ha kevredigezhel ar c'hornad, a vez kenlabouret muioc'h-mui ganto a vloaz da vloaz.
« Hor c'hefridi eo kinnig ur roll abadennoù digor-kenañ, evit an holl, gant ur c'hempouez etre arzourien eus ar bed hag arzourien eus ar vro », eme bPierre Siberil, rener al Leurenn sevenadurel.
Ha berzh-kaer a ra an doare-se peogwir e oa bet degemeret 12 500 a dud e 2014, evel e 2013, ur niver hag a zo kresket kalz e-skoaz ar bloavezhioù kent. « E-keit-se hon eus diorroet oberoù sevenadurel, abadennoù evit kizidikaat ar skolidi dreist-holl. Bez' eo al lodenn eus hol labour a vez gwelet an nebeutañ. Deuet omp a-benn da zesachañ 1500 den davedomp e 2014. »
Ul lec'h a groudigezh arzel eo al Leurenn Glenmor ivez ha dre-se e oa bet degemeret c'hwec'h raktres e-pad 33 deiz e 2014. Skoazellañ an arzourien a zeu war wel zo ul lodenn eus he c'hefridioù.
# TOTORRO + WICKED (sonerezh a vremañ), d'ar Sadorn 14 da 21e er C'hlub. PU : 5€.
# ONE SHOOT gant ar gompagnunezh Lasko (c'hoariva adalek 15 vloaz), d'ar Yaou 26 a viz C'hwevrer da 20e30, Añfi Glenmor. PL : 10€ / PK ha PD : 7€ / PB : 5€
# KATELL IGRUZ gant C'hoarivari Langedig (C'hoariva e brezhoneg), d'ar Merc'her 4 da 20e30, Añfi Glenmor. Kensevenet gant al Leurenn Glenmor hag al lise Diwan. PU : 5€.
# ANIMAL FYESTA gant Piano chat ha Cocktail Pueblo (sonadeg fest asambles gant an dud adalek 6 vloaz), d'ar Sul 8 a viz Meurzh da 16e, Añfi Glenmor. PU : 5€ / digoust evit an dud a zeu gant ar vugale.
# SPESADOÙ EN ARVAR gant Teatr an Ehan, d'ar Sadorn 21 da 20e30, Añfi Glenmor. PU : 10€.
# ROZENN TALEG & YANNIG NOGUET + SOIG SIBERIL & ÉRIC LEGRET (muzikoù hengounel), d'ar Sul 22 da 17e, Añfi Glenmor. PL : 13€ / PK ha PD : 10€ / PB : 7€.
# LAZ-SENIÑ SINFONEK BREIZH evit an arvest "Mozart ar Jipsian" (sonerezh klasel), d'ar Gwener 3 da 20e30. Renerezh ha violoñs : Gilles Apap. PL : 17€ / PK ha PD : 15€ / PB : 10€.
# GWENAN HA TADOÙ GWENAN gant Nid de Coucou (kontadenn lourennek gant blaz ar mel adalek 4 bloaz), d'ar Sul 5 da 11e ha da 15e30 er C'hlub. PU : 1€.
# SHARON SHANNON & ALAN CONNOR (muzikoù eus Iwerzhon), d'ar Sul 12 a viz Ebrel da 17e, Añfi Glenmor. PL : 23€ / PK ha PD : 20€ / PB : 15€.
# MBONGWANA STAR + MARYSE NGALULA (muzikoù eus ar bed), d'ar Sadorn 25 da 20e30, Añfi Glenmor. PL : 15€ / PK ha PD : 13€ / PB : 10€.
# DOCTEUR JEKYLL & MR HAYDN (opera evit ar vugale), gant Skol sonerezh ar Poc'hêr, Skol sonerezh, dañs ha c'hoariva Kreiz-Breizh ha Skol sonerezh bro ar Roue Morvan. D'ar Sul 26 a viz da 17e, Añfi Glenmor. Digoust.
# SOLEO (sonerezh o fiñval), d'ar Yaou 7 da 10e30 ha 14e, Añfi Glenmor. Abadennoù evit ar skolidi gant Yaouankizoù sonerezh Frañs.
# DAVID KRAKAEUR gant "Krakauer's ancestral groove" (sonerezh Klezmer), d'ar Gwener 15 a viz Mae da 20e30, Añfi Glenmor. PL : 15€ / PK ha PD : 13€ / PB : 10€.
# YANN-FAÑCH KEMENER e "Gouelit ma daoulagad" (c'hoariva sonerezh adalek 15 vloaz), d'ar YAOU 21 a viz Mae da 20e30, Añfi Glenmor. PL : 10€ / PK ha PD : 7€ / PS : 5€.
# GOUEL AR SONEREZH, d'ar Sadorn 20 a viz Mezheven, plasenn Gwirioù Mab-den. A-benn nebeut e c'hallot kavout roll an abadennoù el lec'hiennoù Genrouedad www.glenmor.fr ha www.ville-carhaix.bzh
# KOULZAD SONEREZH EN ILIZ PLOUGÊR (sonerezh klasel hag hengounel) gant "Klarideoñs" d'an 23 a viz Eost, "Sonennoù" d'an 30 a viz Eost ha "Ar c'hlavisim" d'ar 6 a viz Gwengolo. Dalc'het e vo ar sonadegoù da 18e en iliz Plougêr. PU : 5€ / digoust evit ar re dindan 18 vloaz.
# SALOÑS ARTIZANED AR SEVEL-TIEZ, d'ar Sadorn 28 ha d'ar Sul 29 a viz Meurzh, eus 10e da 19e. PU : 2,50€ / digoust evit ar re dindan 16 vloaz.
# FOAR AN DILHAD nevez-amzer hañv, d'ar Sul 5 a viz Ebrel eus 10e da 16e (aozet gant Échanges et Cie). Digoust.
# DANVEZ DIBAB C'HOARIVA AL LISE PAUL SÉRUSIER : kinnig al labourioù, d'ar Meurzh 26 a viz Mae da 20e30. Digoust.
# ARVEST AR STROLLAD ARC-EN-CIEL d'ar Sadorn 30 a viz Mae da 20e30. Prizioù : 6 € / 3€ evit ar re dindan 12 vloaz.
# ABADENN DAÑS DIBENN AR BLOAVEZH gant Carhaixment Danse, d'ar Sadorn 6 a viz Mezheven da 20e30. Prizioù : 6€ / 3€ evit ar re dindan 18 vloaz / digoust evit ar re dindan 12 vloaz.
# MIL PRIÑSEZ HAG UNAN gant Dañs kengret ar sav-heol, d'ar Sadorn 13 a viz Mezheven da 20e30. PRIZIOÙ : 6€ / 4€ evit ar vugale.
# SONADEG REDNEX gant : Tyra Loopers el lodenn gentañ. Nozvezh aozet gant Roz aon Country, d'ar Sadorn 4 a viz Gouere da 20e30.
# DIGOR KALON (fest-noz ha tan-arvest) aozet gant Kêr Garaez, d'al Lun 13 a viz Gouere da 19e, reper Kastell Kerampuilh.
# FOROM AR C'HEVREDIGEZHIOÙ ha foar an traoù sport, d'ar Sadorn 5 a viz Gwengolo, eus 10e da 17e. Digoust.
# XXY gant ar gompagnunezh Lasko (c'hoariva), eus an 29 a viz Mezheven d'an 3 a viz Gouere.
# AL LABOURADEG BABIG, gant Gaëlle Steinberg (abadenn tadoù ha mammoù/bugale adalek 3 bloaz), eus ar 7 d'an 11 a viz Gwengolo.
# RAKTRES PAUL gant la Quincail' Cie (c'hoariva), eus ar 7 d'an 11 a viz Gwengolo.
Titouroù pleustrek / darempredoù
Leurenn Glenmor, straed Jean-Monnet, Kerampuilh, 29270 Karaez. Pgz : 02 98 99 37 50. Plr : 02 98 99 37 52. Postel : contact@glenmor.bzh
www.glenmor.bzhEurioù digeriñ an degemer : a Lun da Wener, eus 9e da 12e hag eus 14e da 18e.
Eurioù digeriñ an degemer : a Lun da Wener, eus 9e da 12e hag eus 14e da 18e.