Karaez, emgav an holl sevenadurioù
Gouel an Erer Kozh
Arabat c’hwitañ emgav muzik an hañv, brasañ gouel rock Frañs (268 000 a arvesterien e 2011) a vez bep hañv e fin miz Gouere war dachenn Kerampuilh e Karaez.
Gouel al levrioù ha Saloñs Romantourien Breizh
Gouel al levrioù ha Saloñs Romantourien Karaez, un emgav na c’heller ket c’hwitañ evit bed an embann e Breizh, a vez d’an dibenn-sizhun diwezhañ a viz Here el leurenn Glenmor. Diskouez a ra pegen puilh eo bed an embann e Breizh ha bodañ a ra ouzhpenn 70 ti-embann ha tost 10 000 a dud bep bloaz. Un digarez eo ivez evit reiñ priz romant Kêr Garaez d’un aozer da-geñver digoradur ar gouel.
Bagadañs
An dibunadeg-se, enni kelc’hioù keltiek ha bagadoù, a vez aozet gant ar gevredigezh Bagadañs hag ar c’hevreadoù Bodadeg ar Sonerion, War’l Leur ha Kendalc’h bep 14 a viz Gouere e kreiz-kêr. Unan eus ar re vrudetañ eo hiziv an deiz, goude re an Oriant ha Kemper.
