A bep seurt kefridioù zo gant ar maer .

Gantañ e vez sevenet ar galloud er gumun  :

• gantañ e vez prientet ha sevenet divizoù ar c’huzul-kêr,
• gantañ e vez prientet ha sevenet budjed ar gumun,
• gantañ e vez urzhiet an dispignoù.

Kefridioù dezhañ e-unan en deus, distag diouzh re ar c’huzul-kêr

• emañ e penn implijidi ar gumun ha ren a ra servijoù kêr,
• reiñ a ra, en anv ar gumun, un toullad aotreoù d’an dud a-fet kêraozañ (da skouer, an aotreoù sevel, an aotreoù dismantrañ...).
• diogeliñ a ra an urzh, ar surentez hag ar yac’husted foran.

  Ober a ra en anv ar Stad : 

Dindan aotrouniezh prokulor ar republik :

• emañ marilh ar boblañs en e garg (lidañ an euredoù, enrollañ ar ganedigezhioù hag ar marvioù...).

Dindan aotrouniezh ar prefed :

• karget eo da embann al lezennoù hag ar reolennoù hag ober a ra diouzh ma vint lakaet da dalvezout,
• aozañ a ra ar votadegoù hag ar referendomoù,
• aozañ a ra an niveradegoù.